 |
Questa pagina è stata trascritta e formattata, ma deve essere riletta. | |
| 160 | Remedis da erbas et ragischs |
Remedi per far ir oura ils chiaveus.
A strichiar igl zü da parmuoglias, inua chi nun s ha gient chi crescha chives, fa ir oura et reista la pel lischa, chi nun crescha auter chiaves.
Ün auter, las taias dalla fava smazüchia et applichiar in la part davo trat oura ils chives nun lascha crescher auters.
A couschar ragisch malom in alschiva et lavar il chieu, maza ils pluogls et ils lens in ils chiveus, il simil fa eïr, à far üt et strichiar. A far ragisch malom in puolvra et masdar cun farina, fa crapar las müers.
A s-chiatschar las muos-chias piglia ragisch malom fata in puolvra et maisda cun lat, schi crapen.
[f. 72b] Remedi per tschüfar utsches et caloms. Fa couschar furmai[n]t cun ragisch malom, fin chial furmaint crapa et meta chi maglian, schi bain bot davo ils pousch tschüfar cun maun.
Our da quista ragisch vain fat igl tössi chia ls Spagnous uonschen lhur frizas od ballas da schlupet, chi sagieten la sulvaschina per far murir taunt plü bot.
A couschar da detta r[a]gisch in aschai et tgnair in bocca, piglia veia la dolur dals daints.
Remedi per far creschar chiaveus.
Igl zü da lindenbaum s-chiatsch l’uffladüm, schi sapplichia chiaud sül chieu, per chia ls chiaveus nun gieian oura, dimpersai fa eir creschar chiaveus ingioa nun es.
Ün auter la crousa da nuschs, ad arder in tschend[r]a et masdar cun vin et öli, et uonschar il chieu cun tuot, nun lascha ir oura ils chiaveus et fa crescher noufs chiaveus sün ils chieus dals uffants.
La crousa da nitschoulas, ad ardar in tschendra et masdar cun suonscha d uors et strichiar, fa creschar chiaveus inpee da quels chi sun ids oura et fa creschar noufs.
Remedi per far ngir ils chiveus nairs.
Piglia galöpfel chi’ ella seia greiva et chi’ ella nun seia chiarolda, couscha in öli et cula il öli tras ün pez et lascha süar la puolvra al sulai, quista poulvra couscha cun agua da plövgia et lava ils chiaveus cun tuot, schi vegnan nairs.
A couschar salvia et lavar igl chieu cun tuot, fa ngir ils chiaveus nairs et s-chiatscha las ngoulas.
| [f. 73a] | Remedi per far creschar chiaveus ritschs. |
A tour igl zü dallas fluors da giarvena, et dopo chi stralava il chieu et strichiar alchiünas voutas cun quel zü schi chi vegnan ritschs.
Remedi per defets dal chieu chi dependa da chialur.
Öli da rosas, à strichiar sün las taimpras, piglia veia il mal igl chieu, chi dependa da chialur, sco eir per inflamatiun da nirom.
