 |
Questa pagina è stata trascritta, formattata e riletta. | |
| 234 | ATTO PRIMO |
Ottavio. (Fa qualche atto d'ammirazione sul saluto triviale di Pantalone.)
Pantalone. Ala qualcossa da comandarne?
Ottavio. Non signore. Son qui per fare una certa compera di beni e vado divertendomi osservando la villa.
Pantalone. La vol comprar dei beni? Dove comprela? Chi ghe xe che voggia vender? Anca mi, per dirghela, aspiro a far qualche acquisto; ma, che sappia mi, nissun vende.
Ottavio. Contentatevi che mi è stato fatto il progetto. A chi ha danari contanti nello scrigno, non manca il modo di fare acquisti.
Pantalone. In grazia, se la domanda xe lecita, xelo un acquisto grosso?
Ottavio. Eh, una piccola bagattella. Per centomila ducati.
Pantalone. Aseo! una piccola bagattella? (L’ha sbarà un cannon da sessanta). (da sè)
Ottavio. Ma non mi piace la terra.
Pantalone. No la ghe piase? E sì mo in ancuo Mestre xe deventà un Versaglies in piccolo. La scomenza dal canal de Malghera, la zira tutto el paese, e po la scorra el Terraggio1 fin a Treviso. La stenterà trovar in nissun logo de Italia, e fora d’Italia, una villeggiatura cussì longa, cussì unita, cussì popolada come questa. Ghe xe casini che i par gallerie; ghe xe palazzi da città, da sovrani. Se fa conversazion stupende; feste da ballo magnifiche; tole spaventose. Tutti i momenti se vede a correr la posta, sedie, carrozze, cavalli, lacchè; flusso e reflusso da tutte le ore. Mi m’ho retirà fra terra, lontan dai strepiti, perchè me piase la mia libertà. Per altro sento a dir che a Mestre se fa cossazze; che se spende assae; che se gode assae; e che se fa spiccar el bon gusto, la magnificenza e la pulizia de tutti i ordeni delle persone che fa onor alla nazion, alla patria e anca all’Italia medesima.
Ottavio. Eh! val più il mio feudo, che non val tutto Mestre e tutto il Terraglio insieme.
Pantalone. La gh’ha un feudo? no l’ho miga mai savesto.
- ↑ La notissima strada del Terraglio, da Mestre a Treviso: v. Boerio ecc.
