 |
Questa pagina è stata trascritta e formattata, ma deve essere riletta. | |
| IL GONDOLIERE VENEZIANO | 65 |
O del mio cuor fazzo1 una beccaria2 (vuol ferirsi
Bettina. Distu dasseno, o fastu una mattada,
O qua me vustu far una frittada?
Buleghin. No fazzo nè frittada, nè sguazzetto,
Ma vôi cavarme el cuor che gh’ò in tel petto, (vuol ferirsi3
Bettina. Eh sta savio, buffon. Vivi anca un poco.
Nè volerme lassar, pezzo d’aloco.
Buleghin. Vivrò, za che til vuol4, cara Bettina,
Vivrò come te piase,
Ma con patto, mio cuor, che femo pase.
Bettina. Femo pase, sì, sì. Mi te l’accordo,
Ma con questo però che da qua avanti
Ti lassi andar i vizi.
All’ostaria no vôi che ti ghe vaghi,
Che no ti vardi più nissuna donna.
Vôi che ti lassi el ziogo de bassetta,
Che un zorno me farave poveretta.
Buleghin. Ogni trista memoria ormai se tasa,
E se ponga in obrio5 le andate cose:
M’insegna a dir cussì Torquato Tasso.
T’obbedirò, Bettina, a cao basso.
Bettina. Ti ha inteso el mio patto.
Sta fermo, sta saldo.
Buleghin. Con tutto sto caldo
Te vôi soddisfar.
Bettina. Sta forte in cervello.
Buleghin. Te zuro costanza.
Bettina. Se un zorno in sostanza...
Buleghin. Vorrem solazzar.
a 2. Vorrem solazzar.
Fine della Prima Parte.
- ↑ Edd. Malatesta e Tevernin: Ferma, Bettina cara — No andar via, — O fazzo del mio cuor — Una beccaria.
- ↑ Macello.
- ↑ Anche questa didascalia c’è solo nell’ed. Malatesta.
- ↑ Già che tu lo vuoi.
- ↑ Idiotismo per oblio. Si ricordino in. 11-12 del canto XVIII della Gerusalemme, che il Goldoni cita anche nei Mémoires, P. III, ch. 5.
