 |
Questa pagina è stata trascritta e formattata, ma deve essere riletta. | |
| xl |
nibus habentem, cum elementaribus hisce tyrociniis in medium prodire. Sed jam testatus sum breve hoc opus egestati me dedisse, et meae, et Auditorum meorum, et volentium. Posthac liber de Lineis Novis, non necessitati dabitur, sed genio. Lineae autem novae vocantur, Parabolarum infinitae species; Hyperbolarumque in infinitam distantiam abeuntium; Spiralium plura genera; Cycloidales, Logarithmicae, atque aliae lineae, antiquis penitus ignotae. Non deerunt infinitae spatiorum quadraturae, solidorum rotundorum dimensiones, linearum curvarum tangentes, et mensurae; planorum, solidorumque centra gravitatis, et alla id generis.
In Parabolis dabuntur quadraturae omnium, quinque modis; tangentes modis totidem; solida tam circa axem, quam circa basim, et circa alias lineas tamquam axes revoluta, omniumque etiam tam planorum, quam solidorum parabolicorum centra gravitatis.
In Hyperbolis dabuntur planorum quadraturae, solidorumque dimensiones, circa asymptoton revolutorum, quamvis secundum longitudinem, sine omnino careant, planae, solidaeque ab Hyperbolis genitae figurae. Quin etiam tangentes, ad unumquodque punctum Hyperbolarum ducentur, et quod mirum est, demonstrabuntur solida quaedam hyperbolica exiguo cylindro æqualia, quamquam infinitae latitudinis sint, hoc est super basi, tum secundum extensionem, cum etiam secundum quantitatem infinitam constituantur.
In Spiralibus, quando quaecunque radiorum dignitates fuerint, ut quaecunque dignitates temporum, dabuntur quadratura omnium ad circuli sectorem relatarum. Prae-
| terea |
