Questa pagina è stata trascritta e formattata, ma deve essere riletta. |
telli Penada l’anno 1798 stanno molte Canzoni ed altre poesie di merito distinto. — Poesie volanti edite ed inedite. Fra queste ultime la presente, che noi ci faciamo un pregio di quì publicare, e che sembra avere vaticinato il Porto-franco quasi mezzo secolo prima che la Clemenza Sovrana lo concedesse.
VENEZIA
Una volta ghe giera una donzela
Parona de moltissime città,
E, benchè vechia antiga, tanto bela,
Che la compagna al mondo no se dà:
De una saviezza che no gha sorela,
D’una prudenza e d’una nobiltà,
Che i primi gran Monarchi la stimava;
E i so popoli tutti l’adorava.
Ma cascada co ’l tempo in difetini,
La xe dopo passada al gran difeto
De consumar in lusso quei zecchini
Che doveva servir a un altro ogeto:
Ha scomenzà a lagnarse i citadini,
Savendo che l’erario giera neto,
Quantunque che fra dazj e imposizion
Ogni mese i ghe dava un bel milion.
Ma pur con tuto ciò i se contentava,
Perchè i viveva quieti senza guera;
Anzi tuti d’acordo i protestava,
Che zente più felice no ghe giera:
De fato con clemenza la i tratava,
E per lori spirava primavera;
Se da Provenza no se leva un vento
Che tutti l’impenisse de spavento.