 |
Questa pagina è stata trascritta, formattata e riletta. | |
Ol Portinar e ’l Custod del Teatar
AI SCIORI
ABBONAA E AVVENTOR.
L’è finii ’l diavol a quattar
Di gambett, mascar e matt:
Doman sira chi in Teatar
Ballaran la polka i ratt;
I pivell innamoraa
Che doggiavan dai palchett
I moros al mur pondaa
O alla sponda di banchett,
Ripensand a quii moment,
Cott, dannaa van a dormi:
A sto mond dura nient.
Tutt finiss, l’è propi insci!
Oh finiss del Portinar
Anch ia succia maladetta!
La Bazila parla ciar...
Buttee giò... da on an la spetta.
