Pagina:Pitrè - Canti popolari siciliani I, 1891.djvu/211

BELLEZZE DELLA DONNA

185

*

18. Acqua di cavaleri ben furmata,
Siti 'na donna galanti e pulita;
’N testa purtati ’na lucenti spata,
Pi ’ntrizzaturi¹ ’na massa di sita.
A lu fonti di Roma vattiata,
Cu fasci d’oru e fasciuna di sita;
Li to’ biddizzi li criau² ’na Fata,
Ti tiri l'omu cu la calamita³. (Caltavuturo).

*

19. Bronti, Rannazzu, Giarri e Tarummina,
San Filippu, Gagghianu e Nicusia,
Napuli, Sciacca, Palermu e Missina,
Caltagiruni ccu Petrapirzia,
Catania, Jaci, Mascali, Traina,
Assai n’hê furriatu in vita mia
Citati di muntagna e di marina,
’Na bedda ’un potti asciari comu a tia. (Catania).

*

20. Primu ch’amaju ad Anna, Peppa e Nina⁴
Cicca, Giuanna ed Aita e Suprana,⁵
Filippa e Rosa, Vicenza e Grispina,
Mìnica, Petra, Ursula e Gaitana,

1. ’Ntrizzaturi, laccetto col quale le donne s’intrecciano i capelli nell’acconciarseli.
2. Criari, creare.
3. Consimile a quello di Partinico raccolto dal Salomone-Marino, n. 55, ma intiero e più bello.
4. Peppa, Giuseppa, Nina, Antonina.
5. Francesca, Giovanna, Agata e Soprana.