Questa pagina è stata trascritta e formattata, ma deve essere riletta. |
216 | CANTI POPOLARI |
*
90. Fuocu chi m’ardi spissu di cuntinu,
Mi firisti lu cori, e cchiù ’un è sanu;
Tràsiri cci vulia ’nta ssu jardinu,
Zappari comu fussi un urtulanu;
’Nta ssu pittuzzu cc’è lu gesuminu,
Cògghiri iu vulia cu li me’ manu;
E jeu, lu puvireddu e lu mischinu,
Sentu l’oduri e nni sugnu luntanu. (Cefalù).
*
91. Amuri, chi la sprânza mi manteni,
Accura ’un pigghi quarchi variuni1;
Io ti taliu cu ll’occhi sireni,
Ca ti starria davanti addinucchiuni.
Bedda, ca nun sapiti li me’ peni,
Ed anchi quant’è granni lu mè amuri;
Nenti mi servi vulìriti beni,
Cà t’amu e ’un ni pozz’ essiri patruni. (Palermo).
*