Questa pagina è stata trascritta e formattata, ma deve essere riletta. |
222 | CANTI POPOLARI |
*
106. Fina a li vostri pedi su’ vinutu,
’Ranni è l’amuri chi v’haju purtatu;
Binchì lu nostru amuri ’un s’ha saputu,
Nun sacciu si m’aviti pirdunatu.
Haju lu cori mia tuttu firutu,
Su’; ntra ’na vampa di fuocu addumatu;
Muortu mi vidi, e nun mi duni ajutu;
Iia t’amu, e tu ti fai lu cori ’ngratu1 (Casteltermini).
*
107. ’Nta stu curtillu 2 cc’è ’na bella qualla 3,
Ca di lu cantu fa a tutti ’mpazziri,
E cc’è Santuzzu 4 ca pri ddidda 5 squalla,
Ca cu la pena nè mancia nè bivi.
La mamma, ca la misi ’nta la caggia,
Mancu a la Missa cchiù la lassa jiri;
Ma si pri sorti scappa di ssa caggia,
Miatu Santu chi l’havi ’n putiri! (Alimena).
*
Mi ’nnamuraju di la tua billizza,
Autru ’un fazzu, taliari a tia 6.
- ↑ Cfr. Salomone-Marino, n. 273.
- ↑ Curtillu per curtigliu, curtigghiu, cortile.
- ↑ Qualla per quaglia, quagghia, quaglia, tetrao coturnix di Linneo. Notisi che la qualificazione di quaglia in Sicilia è sempre data ad una bella ragazza, grassoccia e ben portante.
- ↑ Santuzzu, dim. di Santi, nome dell’innamorato che canta.
- ↑ Ddidda, idda, qui lei, protesi non infrequente anche in Toscana, dove si pronunzia decco per ecco, distanza per istanza ecc.
- ↑ Non fo altro se non che guardare te.