Questa pagina è stata trascritta e formattata, ma deve essere riletta. |
258 | CANTI POPOLARI |
197. Nun vôtu, nun vutai, nun vutiroggiu1,
Nun vutiroggiu, nun vôtu e ’un vutai;
Com’haju statu, sempri su’ e saroggiu2.
E si su’ di palora, tu lu sai.
La ’mprisa ca pigghiai la pigghiroggiu3,
La pigghiroggiu, la pigghiu e pigghiai;
Io tantu, amuri, ti sicutiroggiu4,
Pi ’nsina ca a sti manu vinirai. (Palermo).
*
198. Curuzzu, vita mia, dammi la manu,
A caminari nun mi fidu cchiui,
Staju vinennu di 'na via luntanu
Figghiuzza, pi lu tantu amari a vui;
Grapìtimi la porta quant’acchianu,
Vi dicu dui paroli e nenti cchiui:
Vaja, figghiuzza mia, dammi la manu,
Amari nni vulemu tutti dui. (Palermo).
*