Pagina:Pitrè - Canti popolari siciliani I, 1891.djvu/284

258

CANTI POPOLARI

197. Nun vôtu, nun vutai, nun vutiroggiu¹,
Nun vutiroggiu, nun vôtu e ’un vutai;
Com’haju statu, sempri su’ e saroggiu².
E si su’ di palora, tu lu sai.
La ’mprisa ca pigghiai la pigghiroggiu³,
La pigghiroggiu, la pigghiu e pigghiai;
Io tantu, amuri, ti sicutiroggiu⁴,
Pi ’nsina ca a sti manu vinirai. (Palermo).

*

198. Curuzzu, vita mia, dammi la manu,
A caminari nun mi fidu cchiui,
Staju vinennu di 'na via luntanu
Figghiuzza, pi lu tantu amari a vui;
Grapìtimi la porta quant’acchianu,
Vi dicu dui paroli e nenti cchiui:
Vaja, figghiuzza mia, dammi la manu,
Amari nni vulemu tutti dui. (Palermo).

*

199. Bella, ca cu li belli cci triunfi,
L’occhi stampati l’hai comu li Santi;
M’ammiru⁵, cà ’nu spècciu⁶ è la tò frunti,
Li capidduzzi di petri diamanti.
’N sàcciu si ’n àutru amanti currispunni,
S’iu t’amu fidili e tu mi ’nganni;

1. Non volto (non muto), non voltai, non volterò mai.
2. Saroggiu, sarò.
3. Pigghiroggiu, piglierò.
4. Sicutiroggiu, seguiterò.
5. Ammiràrisi, qui rimirarsi allo specchio. Spècciu, specchio.
6. ’Nu per unu.