 |
Questa pagina è stata trascritta e formattata, ma deve essere riletta. | |
| 266 | CANTI POPOLARI |
’Ntra lu pittuzzu miu ti tegnu scritta,
E notti e jornu mi fai pazziari. (Siracusa).
*
218. Ti mandavi un salutu occurtamenti,
Bedda, si m’ami, nun canciari amanti:
Tra lu mè pettu nun si trova nenti,
Nun è comu lu tò chi nn’ami tanti.
Cridimi, beni miu, nun cci nn’è nenti:
Io sempri t’amu fidili e custanti;
S’io moru pri tia, moru cuntenti,
Nun s’havi a diri caio candii amanti. (Tortorici).
*
219. Pri dispiettu di tutti iia t’haju amari,
Rignassi quantu vo’1 la gilusia;
Tu spusa mi sarai, nun dubitari:
Ca fidili mi fusti, armuzza mia.
Nun mi diri di no, nun mi ’ngannari;
Dimmi la virità, no la bucia;
Un pattu tra di nu' avemmu a fari:
O hâ’ essiri tutta d’àutru o tutta mia2.
(Casteltermini).
*
220. Si tempu vuoi, ti aspettu cent’anni,
Curuzzu, nun mutari fantasia;
