Questa pagina è stata trascritta e formattata, ma deve essere riletta. |
282 | CANTI POPOLARI |
Sàilu di mia,1 fatti un passu arreri,
Va mancia pani, e ’un t’assuttigghirai. (Patti).
*
257. Vurria sapiri la sira unni vai?
Ca passi e spassi, e mi lu fa’ a nichei;
Vurria sapiri chi pritinnirai?
Lassami stari pi li fatti mei.
Gilusu io di tia ’un cci hê statu mai,
Mancu quannu nn’amava a cincu e a sei.
Li megghiu ziti chi tu tinirai,
Sunnu cchiù tinti2 di li scarpi mei. (Palermo).
*
258. Mi nn’arrassu di tia, mi nn’arrassai,
Pi tuttu 'u tempu la spartenza fui3;
Ca notti e jornu mi sagrificai,
E lu mè cori ’un arrimodda cchiui.
Ancora ti nn’hê dari pesti e guai,
Ca passu e spassu e ’un ti saluta cchiui.
(Caltavuturo).
*
259. Lu vostru amanti cchiù nu lu spirati,
Chi spasima pri vu’, nu lu criditi;
’Mmàtula ’i vostri affetti m’ammustrati,
Cà vi canusciu e sàcciu vu' cu’ siti.
Odiu e gilusia sempri aspittati,
Risolutu su’ già, fini a li liti;