Questa pagina è stata trascritta e formattata, ma deve essere riletta. |
GELOSIA, CORRUCCI, RICONCILIAZIONE | 285 |
*
265. Si ti mariti mi nni ’mporta un lazzu:
Ad àutru amuri la mà menti ’ngrizzu1;
Chistu è l'ultimu cantu chi ti fazzu,
Un mumentu pri tia cchiù nun cci appizzu2
Chi ti cridivi ch’era mattu o pazzu,
O qualchi animaluzzu cu lu pizzu?
Pari ca ti mariti cu lu sfrazzu:
Iia tiempu avria appizzatu comu rizzu.
(Casteltermini).
*
266. Nun vogliu cchiù stu lebbru3 assicutari,
Cu sti canuzzi mia tanti valenti;
Li cani corsi l'hê fattu allintari,
E li livreri nun sirveru a nenti;
All'urtimata t’ha’ fattu pigliari
D’un canuzzu tignusu senza denti4. (Alimena).
*
267. Vurria sapiri cu’ è chissa chi chiama,
Chidda chi a la mè casa liti duna?
A quannu a quannu vaju a ’na funtana,
Nun vonnu chi vivi la mè pirsuna.
Vulia muriri ’mmrazza a la mammana5,
Ca di quannu nascíu liti mi duna. (Alimena).
- ↑ 'Ngrizzari, sincope di indirizzari.
- ↑ Io non perderò più un momento per te.
- ↑ Lebbru, lepre, qui la ragazza o donna.
- ↑ Canto rivolto a donna che forse avea promesso fede ad un giovane gagliardo, e poi lo barattò per un vecchio o per altro uomo debole e malfatto.
- ↑ Oh che fosse morta quando nacque!