Questa pagina è stata trascritta e formattata, ma deve essere riletta. |
302 | CANTI POPOLARI |
Oh Ddiu, chi cunfissuri fussi iu!
'Un assurvissi no st'armi dannati.
Gastìmi ’un vi nni mannu, ’un voli Ddiu,
Troni e saitti e lampi ’n quantitati1;
E a cu’ si metti, a lu chiffari miu
Pòzzanu aviri centu scupittati2! (Cefalù).
*
311. Chi t’haju fattu, duci miu cunfortu,
Ca l’occhi cali, e nun mi pô’ vidiri3?
Si t’haju fattu qualchi cosa a tortu,
Seriamenti mi lu manni a diri.
Cu li me’ manu la spata ti portu,
Cu li to’ manu vollu ca m’ocidi;
Ma si la pena mia si metti a tortu,
Iu pri l’amuri tò vollu muriri. (Alimena).
*
312. Affaccia, bella, siddu ti cunveni,
Si’ allagnata cu mia senza raggiuni;
Affaccia cu ssi sènzii sireni:
Si cosa t’haju fattu mi pirduni.
Di picciliddi chi nni vômmu beni4,
Ora pri ’na palora m’abbannuni;
Nzocchi sapi la bella ’un si lu teni5,
Lu dici a lu sò amanti a l’ammucciuni.
(Casteltermini).