 |
Questa pagina è stata trascritta e formattata, ma deve essere riletta. | |
| MATRIMONIO | 305 |
E ’ntra lu menzu cc’è fattu un pilastru,
Pri sèdiri la Ddia cu lu maistru.
Tantu firriau l’aceddu mastru;
Fina chi appi la rosa ’n cannistru1. (Bagheria).
*
319. Nutizia mi dùnanu l’aggenti
Sta nova mircanzia di stu mircanti;
Stu matrimoniu senza appuntamenti,
Prima fu scrittu ’n celu e po’ a li Santi.
La zita è ’na stidduzza stralucenti,
Lu zitu eni un Grecu di Livanti;
Li toi cu li me’ sunnu cuntenti,
Si juncinu ’i rabbini e li domanti. (Patti).
*
320. E ccu saluti a sti ziti 'ccillenti!
Chi beddu matrimoniu galanti!
Lu zitu pari un Suli risblinnenti,
E la zita ’na Greca di Livanti.
Quantu cci nn’hannu statu ’mpidimenti,
Li stiddi di lu celu vannu avanti2;
Ora ti maritasti e si’ cuntenti,
E nun lu fari cchiù lu spasimanti3. (Ficarazzi).
*
321. Un ancilu scinniu c’un sarafinu,
Oh Ddiu! chi bella nova chi purtaru...
Sutta Palermu, a stu bellu jardinu,
Miatu cu’ lu fa lu jardinaru!
