 |
Questa pagina è ancora da trascrivere o è incompleta. | |
IL MILIONE z
maor che sia in tuta Persia. In questa contrà stete quelli do fratelli tre ani: in quel tempo (ghe vene) uno ambasciatore de Alau che era signior del levante, el qual era mandado... al Grande Can segnor de tuti i tartari. E questo valentomo vide questi do fradeli, e àvene grande meraveglia, e veteli volentiera, perchè el non aveva mai visto alcuno latino; e parlò ai do fratelli e diseli: — Se vui me volè creder, vui podè acquistar grande richeze e grande onore: lo grande signor di tartari non vide mai niuno latino, e 4 grande voluntate de vederne. E, se vui volè vegnir con mi, e’ ve menerò salvi e seguri, e si ve fazo zerti ch’el ve farà grande onor, e averè de tal venuta grande utilità. —
Come miser Nicolò e misier Mafio andò con uno ambasiator al Gran Can e como egli fo visti vollentiera (4. cap. v).
Quando quelli do fratelli aveno inteso quelle parole, egli aveno suo conseglio e deliberono de andar con quel valentomo alla corte del Gran Can, e mesese in via con lui, e andò uno ano per griego e per tramon- tana innanzi che i gionzieseno ala tera: ove era el Gran Can, e trovò molte stranie e meraveiose cose per la via, le qual se conterano in questo libro, in altro luogo, destintamente. �
