dì, ch’a’ parleron po quanto vorì; a’ ve vuò ben ben, sì1. E perchè l’iera inzargò fieramen de rasonar co ela, a ’l no se voleva partire; e ela ghe tornò a dire: Andè mo via, se ne piase: no stè pì. Vedendo Marsilio che quasio2 la Tia se scorezava, disse: Stè con Dio, Tia, dolce anima mia; a’ ve racomando el me cuore, ch’avì in le vuostre man. — Andè con Dio3, respose la Tia, cara speranza mia, ch’a’ l’ho ben per recomandò, sí. — Arverdesse4 doman, piasando a Dio, disse Marsilio. — Mo ben, mo bene, respose la Tia. Quando fo vegnù doman, Marsilio ghe parea mil’agni de tornare da la Tia; e quando ghe parse che fo vegnù l’ora d’andare, l’andè a ca soa e sì trovè la Tia ne l’orto che la zapava e arfossava certe viatele che l’aèa; e cossì tosto che i s’ave vezù5 tuti du, i se saluà6 e dapò i se messe a rasonare; e dapò che i ave favelò7 un gran pezo de compagnia, disse la Tia a Marsilio: Doman da maitina8, speranza mia, Cecato dè andare al molin e no tornerà a ca china a l’altra maitina, e u, piasando a vu, vegnerì da sera da bass’ora qua ch’a’ ve spieterò. Mo vegnì senza falo e no me trognè. Quando Marsilio ave intendù sì bona noèla, no fu me omo c’aèsse tanta legrizia co l’ave lu quela fià; e trasse un salto, e tutto aliegro9 e de bona vuogia se partì dalla Tia. — Subito che Cecato fo vegnù a ca, la struta femena10 se ghe messe incontra; e sì ghe disse: Cecato, frelo me bon, besogna andar al molin, chè non gh’è che magnare.
- ↑ vuò ben sì, 3; vo ben sì, 8, 4
- ↑ — quasio, 0, 1; quasi, 3, 8, 4; più schiettamente pavano, con la prostesi di s, squasi squaso: ved. Wendriner, n. 153
- ↑ — Anè con Dio, 3; Anè via, 8, 4: effetti della censura!
- ↑ — Arvederse, 3, 8; Arvedese, 4
- ↑ — i se havè vezù, 8, 4
- ↑ — se saluè, 3, 8, 4
- ↑ — e daspo chi have favellò, 3, 8; havè, 4.
- ↑ — mattina, 3, 8, 4
- ↑ — allegro, 3, 8, 4
- ↑ — l’astruta, 0, 1; la astuta 3, 8, 4.
