Paracar che scappee de Lombardia

Carlo Porta

XIX secolo P letteratura letteratura Paracar che scappee de Lombardia Intestazione 12 settembre 2008 75% letteratura

Paracar che scappee de Lombardia

Carlo Porta

XIX secolo

 
Paracar che scappee de Lombardia
se ve dan quaj moment de vardà indree
dee on'oggiada e fee a ment con che legria
se festeggia sto voster sant Michee.

E sì che tutt el mond sa che vee via
per lassà el post a di olter forastee
che per quant fussen pien de cortesia
voraran anca lor robba e danee.

Ma n'avii faa mò tant violter balloss
col ladrann e coppann gent sora gent,
col pelann, tribolann, cagann adoss,

che infin n'avii redutt al punt puttanna
de podè nanca vess indiferent
sulla scerna del boja che ne scanna.