Poesias (Disch)/11
 |
Questo testo è incompleto. | |
Gion Disch - Poesias (1913)
Il zen d' Ave Maria
| ◄ | 10 | 12 | ► |
Il zen d' Ave Maria.
Audas Ti, co' ls zens resunan,
Schi migeivel e schi clar?
Nus capin las vuschs che tunan,
Che nus cloman a ruassar.
5 Ge, quei tun aschi capeivel,
Metta fin al quors dil di.
Giu da tschiel, schi dulsch migeivel
Glischs resplendan clar e bi.
O cars zens tucchei la sera
10 Nus vos tuns beneventein,
Pera sei la notg stgir nera,
Nus carstgauns seconsolein;
Sogn ruaus e pasch la porta
A tons paupers murdergiai,
15 Ch' ein tudi sco sut la torta
Bastunai e tormentai.
Miu zenet la vet' entira
Tras mi' olm' il sun sonor
Resunar lai e ventira
20 Porta quel al pauper cor.
Cun la mort, schi freida, méta
Sevischina er' a mi,
Silla fin de mia veta
Cloma mei sin in bien di.