Poesie (Porta)/165 - Gent corrii a vedè on pechesc
Questo testo è completo. |
Carlo Porta - Poesie (XIX secolo)
165 - Gent corrii a vedè on pechesc
◄ | 164 - LA COMETTA DEL LUJ 1819 ALLA SURA BIETTA |
Gent corrii a vedè on pechesc
de mett sù quand el fa frecc,
on pechesc che l’è de mett
quand s’ha voeuja de stà in stecch.
El fa fà la bella vitta5
come el manigh della pippa;
el color l’è minga d’erba
né cannella né de merda
né lillà né de tabacch
come porten tanti matt,10
ma l’è bloeu del pussee allegher
luster luster come on veder.
El pechesc l’è d’on poetta
del paes della busecca
ch’el componn polit polit15
ma a bell bell come i formigh,
ch’el voeur dì che nol le romp
s’el stass anch cent ann al mond.
Adess mò che l’avii vist
tant Talian, come Todisch20
sbraggee tucc, deghela denter
a fà eviva adess e semper
al sò sart fioeul d’ona porca
e al sur Torti che el le porta.
Mettigh sù l’oli d’oliva25
che la cossa l’è fornida.