54 - BRINDES SCRITT ALL'OSTARIA DELLA ZITTAA A ON DISINÀ DE ALLEGRIA
../53 - ALL'EX CAPPUCCINO COSTANTINO LONGARETTI CHE, VILLEGIANDO DA TOMMASO BUSSI SUL LAGO D'ORTA, MANDÒ AL PORTA UN CESTO DI DRESSI
../55 - AKMETT A' SS.RI SOCI DEL CASINO IL GIORNO PRIMO DELL'ANNO 1814
IncludiIntestazione
27 settembre 2008
75%
poesie
BRINDES SCRITT ALL’OSTARIA DELLA ZITTAA
A ON DISINÀ DE ALLEGRIA
Mì ve preghi a despensamm
dal fà vers in suj duu pee,
perché, minga per lodamm,
in sto gener sont tripee:
stanti a fai settaa polid,5
figurev poeù inscì suj did.
Paricc voeult per allegria
in sul fin d’on quaj disnà
hoo provaa a mollà la bria
al mè ingegn per fall trottà;10
ma el bell trott l’è staa trii pass
e poeù traccheta fermass.
E el bell frutt che n’hoo cavaa
de sti mee speculazion
l’è staa quell d’ess saludaa15
per el primm re di mincion.
Nò, nòo, nò, me catten pù,
vuj dì pesc, ma pensagh sù.