Poesie (Porta)/74 - Coss'evela la manna che el Signor
Questo testo è completo. |
Carlo Porta - Poesie (XIX secolo)
74 - Coss'evela la manna che el Signor
◄ | 73 - EL TEMPORAL | 75 - Ma saal, sur rima in lella, che a dì pocch | ► |
Coss’evela la manna che el Signor
el fava pioeuv dal ciel per i soeu Ebrej?
L’eva on certo compost d’ogni savor
faa a boccon press’a pocch come i tortej.
Sti savor se postaven da per lor5
in di bocch a mesura di sò idej,
voreven figatej...? rost...? cavolfior...?
mangiaven cavolfior, rost, figatej.
Pur gh’han avuu ancmò faccia sti canaj
de digh a nost Signor ch’even sacc,10
e lu, al de là de bon, mandegh di quaj.
Se seva mì el Signor: stampononazza!
ghe voreva fà pioeuv in sul mostacc
ona manna de stronz longh quatter brazza.