 |
Questa pagina è ancora da trascrivere o è incompleta. | |
Set grass? te dan del don;
Set peli e oss?
Te petten del baloss!
E adree al don, giá te see,
Quanci onor ghe stravacchen i badee.
Ora mò sti mezzènn tant nezessarj,
Sti s’cenn, sti tafanari
Se quisten fors col studi e col struziass?
Ohibò, ohibò, el me Tommas,
Se quisten con la pas
E con la santa flemma di ganass!
Insci possess anmí
Dá on pè in la seggia1, e vegní chi con lí
A spartitt la fadiga del pacciá,
A juttatt per on mes a fa nient.
Gesuss che gusti doma a tirali in ment
Me senti a ciappottá.
Vorev giura denanz al Crozefiss
De Comm2, che l’è insci tant miracolos,
De mori anca mi in eros;
Vorev fina pregali ch’el me inorbiss
S’el me catta ona sira
A god on sgrizz3 de lum d’ona candirá,
O el lum d’on stoppin pizz.
Se no l’è per reson
De invia giò polit quell pocch boccon.
Tutt al pu, tutt al pu via de sto cas
Me servirèv del lum d’on quej mocchett
Per vedegh a andá in lett,
E per fa ciar al me car sur Tommas,
Quand lott lott4 el se pienta
In la streccioeura5, de la mia parenta6.
Ah el rid adess?... adess n’è el fa bocchin?...
Bravo sur Tommasin!
- ↑ Dá on pè.... : liberarmi dall’impaccio dell’impiego. (Nota transclusa da pagina 365)
- ↑ Crozefiss de Comm: Crocefisso venerato nel Santuario omonimo in Como. (Nota transclusa da pagina 365)
- ↑ sgrizz : giiizzo. (Nota transclusa da pagina 365)
- ↑ lott lott: pian piano. (Nota transclusa da pagina 365)
- ↑ strecciceura (sottintendi, del letto), spazio fra il letto e il muro. (Nota transclusa da pagina 365)
- ↑ Il Groasi faceva compagnia ad una signora ammalata parente dell’autore. (Nota transclusa da pagina 365)
