 |
Questa pagina è stata trascritta e formattata, ma deve essere riletta. | |
PREFAZION.
SONETT.
Andava a spass coni i mee camarada,
E in del descôr tra nun, come se fa,
Vun dîs: Nô cerca rogna de grattà;
4L’olter: Fa bell trova la pappa fada!
On terz ven fœura a dì: Te fee ona strada
E duu servizi; intant mi dava a trà,
E in d’on quart d’ora al pù de ciaccolà,
8Hoo sentii de proverbi on’ infilada.
Allora m’è soltaa la fantasia
De trà insemma proverbi in sesta rima,
11Inscì per fa ona prœuva, e spassamm via.
La raccolta l’hoo fada; l’ha el vantagg
Che in del sò gener la sarà la prima,
14Del rest, se nô la secca, l’è on bell ragg.
