 |
Questa pagina è stata trascritta e formattata, ma deve essere riletta. | |
2
Se romp col tirà tropp: chi cerca, trœuva;
Nô van denter i mosch in bocca ciûsa;
Quell ch’ha pussee giudizi, pù ne drœuva;
Chi vœur mazzà el sò can, trœuva la scûsa
Destrugga nò, che ven tuttcoss a taj,
Quand se dis, fina i ong de perà l’aj.
3
Error nô paga debet; acqua lava;
Cavall donaa, nô se ghe guarda in bocca;
L’è pù quell terap che Berta la filava;
Chi pò comanda, ha d’ubbedì chi tocca;
Nô gh’è dubbi, ch’el bon regolament,
El manten tant i Fraa, come el Convent.
4
L’è cert, che sangu d’on mûr s’en pò trà nò,
Anca di pugn in ciel nô s’en pò dà;
La legna del vesin fa on bell fallò;
Dance paga, e cavaj se fan trottà;
Quell che se impara in temp de gioventù,
Disen? ch’el se desmentega mai pù.
