![]() |
Questa pagina è stata trascritta e formattata, ma deve essere riletta. | ![]() |
S. MATTEE.
gamba, e tocch d’ogni sorta de malann e de dolor; quij, che gh’aveven el diavol adoss, i lunategh, e i paralitegh; e lu j’ha faa guarì.
25 E gh’è trottaa adree ona frotta de gent de la Galilea, de la Decapoli, de Gerusalemm, de la Giudea, e de là del Giordan.
Capp V.
UAND Gesù l’ha vist tutta sta gent, l’è andaa su on mont, e dopo ch ’ el s’è settaa, gh’è andaa vesin i sœu scolar,
2 E mettendes a parlà, je trava fœura, disendegh:
3 Com’hin fortunáa i timed: perchè el paradis l’è sò de lor.
4 Com’ hin fortunaa i mansuett: perchè quist possedaran la terra.
5 Com’ hin fortunaa quij, che piang: perchè quist saran consolaa.
6 Com’hin fortunaa quij, che gh’han famm, e set de giustizia: perchè quist en saran soddisfaa.
7 Com’hin fortunaa quij, che gh ’han misericordia: perchè en trovaran anca lor.
8 Com’hin fortunaa i luster de cœur: perchè lor vedaran el Signor.