 |
Questa pagina è stata trascritta e formattata, ma deve essere riletta. | |
| 18 | S. MATTEE. |
tromba denanz de tì, come fan i impostor in di ges, e su per i piazz, per vess lodaa di omen: ve disi la veritaa, che quist chì han già goduu la soa paga.
3 Ma quand tì te fee limosina, fa in mœud, che la toa sinistra la sappia minga quell, che fa la toa dritta:
4 Per fà, che la toa limosina la sia de noscondon, e tò Pader, ch ’ el ghe ved anca de denter, el te compensarà lu.
5 E quand preghee, fee minga come fan i impostor, che cerchen de mettes a pregà o in di ges o in principi di strad, per vess veduu di omen: in veritaa mi ve disi, che quist han giamò ricevuu el fatt sò.
6 Ma tì quand te vœut dii orezion, va in cà toa, e dopo saraa su l’uss, prega in segrett tò Pader: e tò Pader, ch’el ghe ved anca de dent, el te compensarà lu.
7 In di orezion disii minga su tanti paroll, come fan i pagan. Perchè lor creden col di su on bordell d’orezion de vess contentaa.
8 Cerchee donca de vess minga compagn de lor. Perchè vost Pader el sa cossa gh’avii besogn, prima che gh’el domandee.
9 Vialter donca per pregà farii inscì: Pader noster, che te see in ciel: che sia santificaa el tò nomm.
