« Tu si quatto dell’arte
De le cianciose e belle!
Tu sì l’accoppatura 8De li frutte amoruse!
Tu sì lo primmio taglio
De le carne d’Ammore!
Famme luce, lanterna de lo sole! 12Damme mpumma, fontana de docezza!
Votame ss’uecchie, parlame, canazza,
Cacciacore, nennella!
Vide pacione tujo, 16Ca zo muerto pe tene!
Scètate, peccerella, Io zo ro tata, e tu ra mammarella!» Lel. Ed essa, che le dice? 20Mas. Fa de la contegnosa,
Torce lo musso, e vota la faccella,
La facce rossolella
Justo comm’a doi spalle di vattente, 24E co certe squasille
E gnuognole, da farete morire,
E co na voce cianciosella, dice:
«Lazzame zzare, ca ro dico a mamma, 28Che puezz’ezzere, lazzame, te dico!
Uh! comme si sfrontato, tiene mente,
Non fare ze vregogne nanze a gente!»
Ed isso leprecheja: 32«Renzolla, bene mio, non me vuoi bene?»
«Voglio», — essa dice — . Isso responne: «Quanto?»
Essa: «Fi ncoppa a l’astraco!»
E, nchesso, siente l’una vocca e l’autra 36Fare comm’a dui mafare ndegeste;
(Né dico paparacchie:
Ca non sai se so sische o so vernacchie!)
