Pagina:Basile - Lu cunto de li cunti, Vol.I.djvu/122

Da Wikisource.
cxii introduzione

bizzarro parere sulle quistioni, che gli si sottoponevano e che il Cortese aveva già tirato in ballo nei suoi poemi1. Ora ecco il componimento del Cortese, che merita d’esser tratto dall’oblio:


Decette a lo Chiajese,
Ch’eje ommo saputo, e letterato:
«Tèccote no tornese,
«E dimme: è buono l’essere nzorato?»
«Bonissimo», — diss’isso — «a la bon’ora,
Si tu non sì nzorato, e tu te nzora!»


«Aggio na gran paura», —
Io le decette — , «non desse de pietto
A na mala ventura;
Ed àuzate, se puoje, pò, da sso nietto;
«E dì ch’è pezza, che se pò stracciare!»
Ed isso disse: «E tu non te nzorare!»


«Se vao pe ssi pentune,
N’auzarraggio, — diss’io — , na spennazzola,
O farraggio a costiune,
E puosto ne sarraggio a na gajola,
E nce vo bona agresta a scire fora».
Ed isso me decette: «E tu te nzora!»


«Vorrà ire sforgiosa»,
— Diss’io — , «che nge vorrà tutta la dota,
Sarrà na schifenzosa
Che scariglia farrà chiù de na vota;
Io me ntorzo e non pozzo comportare...»
Responnette isso: «E tu non te nzorare!»



  1. V. cap. preced.