| 48 |
jornata i. trattenemiento ii. |
|
Aveva na magna femmena de Casoria1, chiammata Ceccarella, no figlio nommenato Peruonto; lo quale era lo chiù scuro cuorpo, lo chiù granne sarchiopio2, e lo chiù sollenne sarchiapone3, c’avesse crejato la natura. Pe la quale cosa la scura mamma ne steva co lo core chiù nigro de na mappina4 e jastemmava mille vote lo juorno chillo denucchio, che spaparanzaje la porta a sto scellavattolo5, che no era buono pe no quaglio de cane6. Pocca, poteva gridare la sfortunata e aprire la canna, ca lo mantrone non se moveva da cacare pe farele no mmarditto servitio. All’utemo, dapò mille ntronate de cellevriello, dapò mille nfroate de zuco, e dapò mille dicote e dissete, e grida oje, e strilla craje7, l’arredusse a ghire a lo vosco pe na sarcena, decennole: «Ora maje è ora de strafocarece8 co no muorzo; curre pe ste legna, non te scordare pe la via e vieni subeto, ca volimmo cucinare quatto torza strascinate9 pe strascinare sta vita.» Partette lo mantrone de Peruonto, e partette come va chillo, che sta miezo a li confrate 10; partette, e camminaje, comme se jesse pe coppa all’ova, co lo passo de la picca, e contanno le pedate, abbiannose chiane chiane, adaso adaso, e palillo palillo, facenno siamma siam-
- ↑ Allora casale regio di Napoli; ora comune della prov. di Napoli, capoluogo di circondario con ab. 9890.
- ↑ Sciocco; e, secondo il Gal., è «una di quelle pochissime parole, intieramente e indubitatamente greche che ci sieno restate.» VN.
- ↑ Goffo, villanzone. In una delle redazioni della Nascita del Verbo Umanato appare il personaggio buffo chiamato Sarchiapone.
- ↑ Panno da cucina.
- ↑ Un uccello, che sarebbe, secondo il Gusumpaur (Vocab. ornitol. nap., Nap. 1874), la balia, muscicapa albicollis.
- ↑ Cosi altrove, e bisogna intendere che non era buono a nulla, perchè il caglio di cane non serve
- ↑ Domani.
- ↑ Affogarci.
- ↑ Broccoli soffritti in olio.
- ↑ Che va a morte. A Napoli i condannati a morte erano assistiti dalla Compagnia dei Bianchi della giustizia.
