Pagina:Boccaccio, Giovanni – Opere latine minori, 1924 – BEIC 1767789.djvu/13

Da Wikisource.

ii. pampinea 7

130et tacitis nemorum iaceat neglecta sub umbris,
ut ludam tremulos gressus oculosque gementes.
Hoc si forte neges, patiaris ut ultima saltem
me rapiat mors atra, meo positura quietem
fervori, corpusque tegant sub cespite sicco
135pastores miseri, signent et carmine bustum.
TruxTindarus. amor, et iuvenum semper certissima pestis.
Heu! cecidit. Lymphas manibus portate recentes,
o pueri, si forte queam revocare dolentem.


II. — PAMPINEA

Explicit Galla egloga prima; incipit egloga ii, cui titulus Pampinea, locutores autem Palemon et Melampus.


QuidPalemon. merui? Duris fustemne securibus olim
concessi, Silvane senex, aut fontibus ursos
segnes immisi, nymphas lesurus agrestes,
ut crucier misereque trahar moriturus in arvis?
5Nunc tacet omne nemus; subeunt vineta cicade,
omne pecus radios cessat, cantare volucres
desistunt, et colla boum disiungit arator
fessus et umbrosos querit per rura recessus.
Me miserum male sanus amor per devia solum
10distrahit, et longos cogit sine mente labores
ut subeam, victusque sequar vestigia nondum
cognita Pampinee. Dixi «sequar» inscius, imo
perscruter; nec cura potest retinere peculi
quin montes celsos densosque per invia lucos
15discurram, tristisque ferar referarque ferarque
quo iubet ire furor, prospectans undique nunquid
venantum turmas videam, nubemque per arva
surgere pulveream, seu capras vertice pulsas
currere et auritos lepores; si demere campis
20retia, si sparsos eque revocare ministros