 |
Questa pagina è ancora da trascrivere o è incompleta. | |
| -59- |
O si lauda Idie! ʃën t' ei!
Po n' es mo una da passè,
Te muesses mo la damandè
A seniëur Kristl - ciëla ve!
Këst te farà pa mo suè!
Te muesses mefe la vaghè,
I bel la kosses palesè.
Sën di pu tu, ko vues pa fe,
T' ies n puere gramac,
Piec ke kel totl da Pradac.
Muesse bele ie tel di.
Tue tu ka i fe nshi:
Kanke l leva da duman,
Va i bossi la man!
- Ëisa bën drët bon durmì?
Ësse zeke da ve di.
Ma bon di! ie son tan gram,
Ne n' e plu sëit, ne n' e plu fam;
Me vën ert sëura a vel di,
Ma dirëise bën de shi.
Po diral: cie vues pa?
- L' ie na kossa d'importanza,
Ke me fesh drë mel la panza,
Ma skuʃëde mi kreanza,
I l fossa na mankanza,
She ne n' ësse la fidanza
De vel di a Vo, seniëur,
Cieke ie l mi dulëur,
Ke me druka tan l kuer.
Po diral: puere mut.
Di bel prëst i ne fe tan giut!
- Shi, seniëur, l foss liër di,
Ma dirëisa bën de shi?
Cie vuei ie tan pensè,
Muesse mefe palesè,
Muesse mefe la vaghè,
L' ie ʃën piec ke se pistè.
Dëssi di? - L diʃhe : ne se.
Pudeis bën zënza vel pensè,
L' ie sauri da ndevinè.
Di diral: O lasha ste,
Va pa pu a keghè.
- Ulësse mefe me maridè.
O, diral, ʃën n' ei assè.
- Ulëisa forshi gor parè?
Ie ne se, diral, ko fe.
