 |
Questa pagina è stata trascritta e formattata, ma deve essere riletta. | |
| 59 |
Oh, domàn ce batarèle
in tes çhasis, denànt dì:
un gran còri in sçhapinèle,
un cridà, un saltà, un vajì.
E lis maris, fra la scòve,
lis pignatis e il mastèl,
an varàn une di gnòve:
ché di atindi a tant rebèl:
fortunadis lór, se ur vanze
un matèz par duçh i dîs!
Da la puàrte de speranze
jèntre un raj di paradis!
Sante Lùzie benedète
ogni çhase usgnòt ti spiète,
grançh e pìzzui, tançh che sòn,
di tè spiètin ale di bòn.
