 |
Questa pagina è ancora da trascrivere o è incompleta. | |
714 Giachen Caspar Muoth
L' elecziun ei naturalmein curdada ora en favur dil candidat adversari. … Sco sche tut havess fatg congiura enconter il Gion, han fetg paucs votau per el — era tier autras scharschas ha el giu iu pign diember de vuschs. Il plaid „deivets“ haveva bucca mancau siu effect. El haveva tralaschau de profitar dil moment, dond ina buna risposta ensalada e quei fuva stau sia ruina . . . . La tschentada haveva priu sia fin e Gion fuva eunc leu sin la plazza de sia disfatga e steva sco in gieneral suenter haver piars ina battaglia decisiva. Ses camerads han finalmein perschuadiu el de suondar els en l' ustria confionta. Gion, Gion il manti tschietschen ei piars, ils utschels ded aur ein sgolai e sper tei va spargnent il spirt fatal de tia vita — il Pieder!
GIACHEN CASPAR MUOTH.
La Liunga Notg - Nadal.
(In fragment.)
(Nach Ns. Cr.).
„Sill' Universitad ei bein in leger Viver,“
Lament' enqual Student; bah, ina miula scriver,
Ed ultra fan ei nuot e rien, beiban bier
E drovan lur danes cun femnas e gl' ustier.“
5 Ei dat de quels; mo nus — Vul ti ca crer, empiara
Mo tgi che vul, — menein la vetta exemplara.
Nus mein a spass, fimein tubac, mein a Colleg,
Turnein a casa lu e mein sil zug a letg.
Noss' olma vegn cheutras trasò pli sabiutta;
10 Mo l' ossa, Segner car, da di en di pli blutta.
Perquei vein nus tertgau la liunga notg Nadal
Da revegnir empau cul plat national. —
O car Grischun, oz en tes umens de speronza
Rimnai tier in ustier en legra cuminonza.
15 Ei plaiden tiu lungatg, tei han ei endamen
Tes solvers, tes gientas èn lur divertimen!
Micron igl um de quen cun siu cumpar Latin,
Longin, che va bugien sin costas dil vischin,
Calon e Jus, ils dus parents de la Manzegna,
20 Che vulen lu manar la terra en fanzegna.
