 |
Questa pagina è ancora da trascrivere o è incompleta. | |
Pregiudecis 725 sesbassaven ei cheu bunamein tochen plaun! — Mo manizont il Hacbrett siu miedi sco de scuder, alzava(u)[n] ei lur combas e scudevan sil plantschiu suenter il tact per cun ina gada puspei sgular cun la clarinetta si els nibels. — E tgei bi tgietschen cuvreva las vestas dellas matteuns e co sbrin(g)[z]liaven lur egls! Segner car, tgi voless descriver tut quei? … 5 Dus dis haveva il scheiver cuzau. Tut haveva saltau bufatgiamein, mo avunda aunc buc. Il mender fuva ei stau cul Pieder e cul cusè, il Duitg ziep; La Stina haveva bucca voliu vegnir, tement malemperneivladats ed aschia fuva el staus senza saltunza; Pieder haveva giu sias difficultads pervia dil rumien. Mo gleiti ha la legria giu lomiau ils cors ed il vin 10 lavau giu la gretta e Pieder e Duitg siglevan enturn sco ils auters. La legria renda ils cors generus e per quella raschun fuva ei als mats buc endretg, che Stina era bucca vegnida. Quei furava perfin ils conservativs, — e Valentin scheva differentas gadas: „L(e)[a] Tschagrunusa sto nau! Quei ei buc endretg, de sclauder ora 15 ina pulita matta, perquei ch' ella ei ina Tschagrunusa, — il capitani ha rischun. La Tschagrunusa sto nau!“ E la davosa notg fuva ei il general giavisch della compagnia, de far vegnir la Stina e saltar cun els. — Entupont l' autra dameun il capitani la Stina sper la fanteuna, va el 20 vitier ella, peglia sin meun ed exprima il giavisch della compagnia e Stina saveva buca far meins, ch' ir a casa, sefittar si empau e comparer en stiva de scola. — Tier sia arrivada fuva grond silenzi, ed igl emprem era la compagnia, vivont schi legra, empau schanada e deprimida. La Brida, la matta 25 veglia, stueva perfin tuoscher e scheva si per la Emma, che seseva sper ella, ravolvent ils egls: „La Tschagrunusa!?“ … Mo vonzei mava tut (s)[p]uspei en regla. Ils mats fuvan pleins premura per la nova saltunza, — ed in dils pli premurai fuva Paul. — El negligheva bunamein sia Emma e fuva mezs ordcadeina. Mo la Stina saltava era stupent e fuva ton pulita e 30 modesta. Ual saltava Paul ina Polca cun la feglia dil pindrer. La Brida e l' Emma pusavan sper la pegnia, buevan in glas vin e la matta veglia magugliava … leutier fava de prers. „Tiu signur ei zun premuraus per la Tschagrunusa!“ … morda la Brida. „El saulta gie bucca pli cun tei. Basta la 35 Tschagrunusa saulta halt megler, ella ei pli loma.“ — Emma survegn ina tuss de bunamein stenscher; in fava de prer de la Brida fuva ius ad ella entraviers. — „Mira, mira lau, co el fa compliments!“ … continuescha Brida. „Tgei egls el fa! — Ella vegn gie tut cotschna. — Oh! ed ussa, co el strocla 40 ses mauns! Emma, Emma, se pertgira della Tschagrunusa! sas, Tschagrunusa!“ … — Emma haveva suondau cun egls gross e stui la direcziun, che la Brida haveva dau. Ella fuva melna sco il fel e larmas vegnevan
