 |
Questa pagina è ancora da trascrivere o è incompleta. | |
Il cumin d' Ursera 1425 761
Mo pertgei, risdei pomai!
Essas vus schi trubestgai,
1230De snegar, sprezzar in summa
Il lungatg de vossa mumma? —
Essas schi de pauc valzenn,
De disgir vies cor e senn,
'Ded unfrir vies ver caracter,
1235Per far tschéras d' in calfacter?!
Nies Romontsch ei d' origin
In' enfiarla dil latin,
Ch' ei adina staus in vierv
Cultivau e plein de gnierv,
1240Sco eunc uss la sontga messa
Di per di a nus confessa. —
Il latin vegn screts pertut.
Dil Tudesc san ins nagut
Auter, che in triep barbar
1245Drovi quei, per patterlar.
Milli onns ein passentai,
Ch' ils Romeuns, ils vigls latins
Ein vegni sin noss confins,
Han fundau sin crests e spundas
1250Lur culùgnas oriundas
E tschentau amiez la vall
Il Casti dil hospital. —
Perdavonts de milli onns
Stavan cheu en vall avdonts:
1255Um e dunna cul mattatsch,
Cultivont il stess terratsch.
Voss babuns ein cheu satrai,
Voss affonts cheu battegiai,
E vus essas cheu vischins,
1260Per amur dils vigls latins,
Che han schau als descendents
Cul lungatg lur beins schaschents. —
Dat ei bein zanu' in pievel
Schi tumpriv e schi de niebel?! —
1265E vus lesses barattar
Vies caracter cul barbar,
Cul lungatg scultschiu e gob,
Che deriva dal Schuob,
Ch' ei d' obscura derivonza,
1270Senza stemma ni mionza?!
Nua 'veis vies pugn d' honur?
Il Romontsch ei eunc en flur.
Cul Romontsch saveis disquorer
Giu Ligieun e bein conquorer,
1275Vender ni cumprar in tier
Senz' agid d' in mulessier. —
Cun Romontsch plidar saveis
Culla schenta dil Valleis.
E davos il piz Scopi
1280Tut capescha vies „bien gi“.
Sche pertgei voleis unfrir
Vies caracter e disgir
Vies lungatg artau dals vigls
Als ded Uri, quels tschubigls,
1285Che patiarlan de vertit,
Mo vus porschan
servitit?!““
E gl' avat scaldaus excloma
Cun in plaid sco fiug e floma:
„Umens libers della Vall!
1290Vai plidau in intervall.
Jeu pretend' uss curt e spèrt
Ina tschiarna de detschèrt:
„Leis, vus umens della Vall!
Star sidretg sco nies Vasall,
1295Renconoscher il poder
Della Claustra de Muster,
Suondar la nobla Crusch
De Sogn Placi — ni dar la
vusch
Leu al taur de quels ded Uri?
1300Jeu domondel sco parsuri,
Schent a vus la libertat,
De far vossa voluntat.“ —
La fuola rimnada, scaldada, cametscha
Sefâ vid la buora, semetta sin retscha;
1305Ils vigls ordavon, ils giuvens suenter,
Perfin enzaconts dils Tudescs vegnan denter,
E cloman e greschan — in cor, ina vusch:
„Sogn Placi! Sogn Placi! nus lein tia
crusch!“
Ils vigls serebalzan lu eunc ina gada
1310E cloman cun viarva stendida, scaldada:
