Pagina:Decurtins - Rätoromanische chrestomathie, I.djvu/799

Da Wikisource.

770Poesias
O tut ei en merveglia,
Tgei sei el sac zupau.
„Tgei ha' la priu cun ella?“
Schi vegn ei dumondau.
75Ei vegn fatg ferm suspett,
Che Jörg de Jörgenberg
El sac sei sluetaus.
Gl' emprim menader cloma,
Vesent il sescultar:
80„Vegni vus niebla dunna!
Laschei nus fastinar!
Che buca nossa rabgia
Nus gleiti aunc survargi
E nos maus spondien seun.“
85Tras siu agit mitschava
Cul scazi ledamein
Signura castellana.
O niebel sentimen!
Daven ella stuleva
90E mai nigin veseva
La nobla fatscha pli.
Mo il casti curdava
Els mauns dils valerus.
En tschendra semidavan
95Las fermas aultas tuors
Schvanid' er' la pussonza
E prida la ustonza
De Jörg de Jörgenberg.
POESIAS.
La mumma sil camp de battaglia.
(Aus Il Patriot, Nr. 25, 1878.)
Il giuven guerrier sto daven el combatt;
Leu vi cun pusonza igl anamitg statt.
A casa la mumma bragia e plira
Per il car figl en l' ujarra suspira.
5Dalunsch auda ella ils canuns tunar
La ramur dil schumber senza calar.
Fem e puorla vez' ella salzar —
Siu cor dell' anguoscha entscheiv' a tremblar.
Il pauper figl gli vegn endiment,
10Il persul, ch' ella veva dil Tutpussent.
A casa (st)[p]o ella bucca star pli,
Sil camp de battaglia vul ella ir.
Mellis guerriers schain cheu en il seung,
Biars el combatt cun l' amara mort eung.