rispunda il fegl. „Lura tuorn' ora sin miu plaid; per entzitgei eis el cheu!“ cammonda la mumma. „Jeu astgel buc ir ora mumma!“ „Bein, ti mo va ora; el fa nuot à ti; franc buc! Gl' emprem che ti vas ora, dias ti: „Tuts buns sperts laudan Diu.“ Il fegl ha suondau la mumma et ei jus ora. 5 Cur' ch' el ha viu il bab, ha el detg: „Tuts buns sperts laudan Diu.“ Il bab ha respondiu: „Amen.“ Sinquei ha il fegl dumandau, tgei ei maunchi, ch' el seigi cheu. Il bab ha respondiu, el sapi bein, ch' el havevi empermess duas gadas ded ir à Nossadunnaun. Ma ch' el seigi buca staus en dil vut, sche stopi el endirar perquei peinas egl purgatieri. Udent quei 10 empiara il fegl, sch' ei savessi bucca vegnir gidau ad el. Allura di il bab, bein, sch' el mundi en siu stagl à Nossadunnaun, vegni el liberaus ord il purgatieri. Il fegl rispunda, o gliez vegli el ira silzuc; pertgei el era in bien, sco il bab. Aschia sedi ei: „La stiala vegn dil len.“ Allura di il bab: „Ussa vas ti en e dis alla mumma de mirar per treis meils cotschens; e quels metas ti en sac et il fazolet de nas sisu e semettas sin via à Nossadunnaun! Alluscha vegns ti sil viadi a setiuer in compogn e ti vegns a dar il biendi, sco gliei usit e lauter il bienonn. Quei campogn … vegn lura ad emparar tei, nua il viadi mundi; e ti vegns a dir: à Nossadunnaun. Il campogn vegn probablamein a rispunder, quei seigi 20 era grad siu viadi e perquei veglias vus far compagnia et ir ensemen. Cura che ti eis in toc, sche pren ord il sac in de quels meils e lai dar quel giun plaun. Sch' il compogn fa, sco sch' el sapi nuot e va vinavon, sche cun quel senschigna de buc ir pli! Enquera el si il meil, che ti has schau dar giu, lu sas ti sefidar ded el, tigliar il meil per miez e migliar il 25 meil cun el e prender el sco compogn ded ir à Nossadunnaun!“ Sinquei ei il bab svanius. Il fegl ei jus en tier la mumma et ha raquintau tut. La mumma ha dau ad el ils treis meils, ina buorsa plein zechins et il fegl ei aunc quella notg semess sin viadi encunter Nossadunnaun. Gl' auter di ha el entupau sin via in grond e bi signur, stupent bein vistgius. El ha 30 agurau à quel il biendi e lauter ha agurau ad el il bienonn. Il signur ha damondau, nua ch' el seigi sin viadi et udent, ch' el mundi a Nossadunnaun, … ha el detg, lu veglian els far compagnia. Cura ch' igl ein stai ira in toc, ha il giuven priu in meil tschietschen ord sac e schau dar giun plaun. Il signur ei ius vinavon et ha fatg, sco sch' el vess viu nuot. 35 Sinquei ha il giuven1 fatg ina viarcala et ha schau ir il signiur per sias vias. Bein gleiti ha el entupau in secund signur, al qual el ha dau il biendi et il qual ha, cura ch' el ha udiu, ch' il giuven mundi a Nossadunnaun, … fatg compagnia cun el. Suenter ch' ei eran ii in toc ha il giuven priu ord sac e schau dar giu il secund meil tgietschen. Vesent ch' il 40 signur ha nuota ditgau il meil, ei il giuven staus anavos et ha schau ira il signiur per siu fatg. Ussa haveva el mo in meil pli et ei fageva schon sera. El ei aber tonaton jus vinavon e cura ch' el ei staus jus in guot, ha el viu in umm vegl, miserabel cun barba e cavegls grischs, giu spegl
- ↑ ed. guiven
