Pagina:Decurtins - Rätoromanische chrestomathie, II.djvu/148

Da Wikisource.
124 Märchen

ani terlischava et ariva finalmein tier in stermentus uaul, en il qual ei era de tuttas sorts thiers selvadis. All' entschatta digl uaul ha el entupau in umm vegl e quel ha emparau el, nua ch' el vegli ira. Il giuven ha raquintau tut. Mo il vegl ha maniau, ch' ei seigi ei nunpuseivel ded ir tras quei uaul; el vegni 5 scarpaus dals thiers selvadis. Pleins tema ha il giuven dumandau il vegl, sch' el savessi buc in cussegl, co el savessi vegnir atras gl' uaul, senza ch' ils thiers selvadis scarpien el. „Auter che quei cussegl,“ dat il vegl per risposta „sai jeu buca dar, che sche ti vul prender e sitar giu ina selvaschina, manizar la carn de quella tut en scalgias e cura ch' ils thiers selvadis vegnen 10 suenter, better vi ad els las bucadinas“. Il giuven suonda il cussegl, seta ina selvaschina e fa quella tut en scalgias. Cura ch' el ei staus enamiez gl' uaul, vegnev' ei de tutas sorts thiers selvadis suenter el. El betteva mintgaga anavos in per tocs carn; ils thiers selvadis siglevan suenter la carn e sescarpavan per quella. Cura ch' ei havevan migliau si la carn, 15 vignevan ei puspei suenter el. Lura turnav' el puspei a better anavos in per bucadas et el ha aschia pudiu fugir e mitschar ord gl' uaul. Ussa vegnevan … ils thiers selvadis buca pli suenter et el saveva ir plaun siu vinavon. El va lura in grond toc d' in grond plaun ora e vesa alla fin de quel in casti, che tarlischava grad sco siu ani. Ussa fa el combas et ariva bein 20 gleiti tier il casti. Sia spusa ei vegnida encunter ad el, ha tucau maun, fatg beinvegni e manau el egl casti. Suenter paucs dis han ei lu enzinau en et ein vivi legramein egl casti, nua che tut terlischava d' aur, argient e pedras custeivlas.

99. Il tapagnac cun il marti.

25 Inaga er' ei in muline, che haveva in fegl et ina feglia. Il fegl er' in tapagnac, che saveva nuot auter, che far catavegnas. In di ei quel jus sin fiera cun in piertg. Mont el tras in uaul per ir el vitg sin fiera eis ei vegniu in tirann, ha priu il piertg et ei jus cun quel. Il tapagnac ei jus suenter à quei tirann tochen tier ina rusna. Il tirann ei jus cugl piertg 30 da quella giueden et il tapagnac astgava buc ir suenter.

Aschia ha el stoviu turnar à casa senza ni piertg, ne daners. Cura ch' ils ses han sevilau, ha el detg: „Jeu vi schon survegnir quel, ch' ei jus cun nies piertg. L' autra damaun eis el lavaus beinmarvegel, ei setratgs en da dunschalla et ei jus egl uaul, nua ch' ei eran ii ad el cugl piertg. 35 Cura ch' el ei staus in toc egl uaul, ha el entupau in survient dil tirann, ch' era jus cugl piertg. Quel ha emparau el: „Nua vas?“ Et il tapagnac ha respondiu: „Jeu mundel ad encurir de maridar.“ Sinquei ha il servitur detg: „Miu signiur maridass bugien e ti neu grad cun mei!“ Il tapagnac ei jus en la tauna tier il tirann; ei han fatg legras nozas e la sera, cura 40 ch' il tirann ei staus enta letg, sche ha il tapagnac priu ora in marti ch' el haveva zupau sut il vestgiu, ha detg: „Jeu sun quel dil piertg!“ et ha marclau cun il marti il tirann, entochen che quel era bunamein ventschius.