 |
Questa pagina è stata trascritta ma deve essere formattata o controllata. | |
1 Märchen.
1. Il chitschadur.
Ei fuva ina ga in um et ina femna beinstonts, che vevan mo in fegl. Els laien emprender quel, tgei mistregn, ch' el vegli. El ha getg, ch' el vegli vegnir catschadur. Sinquei han els spert cumprau ina buis, ina pistola cun dus rohrs, in stilèt, ina cazzola et in tgeun Curasch. Il fegl mava mintga gi, dis et onns à catscha sur pezzas e vals, e vegneva mintga sera cun salvaschinas … a casa. El era in famus catschadur. In di eis el è eus sur cuolms, pezzas e vals vi; mo survegneu nuot. Cun nuot leva el bucca vegnir a casa; el era bucca endisaus, e va tochen sera tard a miron ora. Cheu va el sper in bi lag vi e veza treis puncts ners sur l' aua vi. El laghegia e trai in schuz, e veza, ch' ei fuva ussa treis thiers ventschi sin quella aua, numnadamein in pesc, ina enta et ina lieur. El pren quels en sia valischa e va. Cheu entaupa el ina femna veglia, che gi: „Oz has ti fatg la dètga catscha!“ El fa de nun saver e gi pauc. Mo la femna gi: „Neve, ti has segiatau treis thiers en in schuz!“ Demai che la femna saveva gir aschi franc, sche ha el bucca saveu far cun meinz, che schar valer. Lura gi la femna, ch' el deigi bucca schar far giu quels thiers ils ses geniturs, sunder prender cun el quels treis l' autra ga alla catscha. Aschia ha il chitschadur fatg. La sera suenter tscheina camonda il fegl als ses, de bucca tuccar en ses thiers, e gi alla mumma, ch' ella meungli bucca levar e far ensolver l' autra dameun; el mondi bucc' a catscha glauter di. Quei ha plischeu alla mumma fetg bein; pertgei ella era veglia, e levava bucca bugien aschi marvegl. L' autra dameun, uras ch' el mava schiglioc à catscha, ha ei è puspei dau si la luna d' ir. El cloma sia mumma, e fa far ella ensolver. Lura pren el siu tgeun Curasch e ses treis thiers en la valischa e va sur pezas e vals a catscha. Mo gl' entir gi ha el veu nuot, e saveu far nuot. La sera tard veza el in gron e bi utschi sin in rom d' in pegn. Demai ch' el veva fatg negina catscha, sche tratga el de sigiattar giu quei utschi. El laghegia; mo igl utschi mava in pegn a l' auter, aschia ch' el saveva nuotta far schuz, et ei vegnius en igl uaul, ch' el saveva ne nu' en, ne nu' ora. Cheu va el sisum ina plonta, e mira, sch' el vezessi bucc' ina glisch enzanua. Cheu catta el adagur ina glisch brausletta in toc pli lunsch. El va encunter quella, e vegn avon ina baita. El splunta; cheu vegn ina matta ora; et el damonda de star sur notg; el sei eus a catscha, e sappi
