30 Mo quest ei guess la capara
De vera fideivladat.
Quellas larmas, che muentan
Fetg savens era las mias,
Quei rugar e quellas tias
35 Zun caras empermischuns,
Che dil cor rivavan;
Pertgei Ti eis adina stada
Fideivla senza inagada
Duvrar faulsadat cun mei.
40 Pia sch' eis ei negin prighel,
Che Ti seigies malstateivla;
Che Ti seigies buc fideivla,
Sai jeu buc schar dar el sen.
Seigies per cuminas tuttas,
45 Adina era malstateivlas;
Esses faulsas e buc fideivlas,
Tei soleta prend' jeu o.
2.
Ti eis ina zechtia juventschala,
Sche gie buc real schi biala;
Ils duns dil spert fan biala Tei,
Ventira vegnies haver vonzei.
5 Ti fas de losch e zun de fin,
Sco sch' Ti buessess buca vin;
Mo vidavos lu tut dascus
Buesses or in quart ne dus.
En biala stiv' eis Ti adina,
10 Leu Ti vegnas gnir cumina;
Lemprim' eis Ti e la davosa,
Pauc bien de Tei ver speronza poss.
Utschals barsai e cuschinai
A Ti munglassen star semtgiai;
15 Migliar bien quei lesses Ti
E far sacrau er mitgadi.
La glieut Ti salvas pecadus,
Il bien Ti maglias a discus;
