5 Has ligiau mia giuventetgna,
Tut ils mes gargiaments,
Che mi porta grevadetgna,
De buc puder star presents.
D' en pasch metter u en letezia
10 Quest miu cor asch' inonzent,
Che vegn d' ina tala letezia
Mai, mai poder star lischent.
Mai ch' jeu glisch sin tiara,
La ventira poss buc ver,
15 Il qual vegn de mia cara,
Della qualla hai plascher.
Denter tuttas las pli bialas
Ha buc ina saviu pegliar
Quest miu cor en sias falas,
20 N' er cun auters lists catar.
Per onn che Ti lemprima gada
Cun Tiu egl carin e bi
Sin mei devas in' egliada,
Perschunier sun fatgs a Ti.
25 Tia bialezia bauld envida,
Era quels ch' ein inocents,
Cur che Ti schi bein vestgida
Tegns Tes sens en bien guvern.
Tia biala veta e persuna
30 Ha miu cor tut envidau;
Ti eis quella calamita,
Ch' a mei en quest pass tilau.
Mia vita, mia dulschezia,
Per mal buca prendi si;
35 Ch' jeu enquer Tia carezia,
Dai po buc la quolp' ami.
Sunder che quel sisura
Sez miu cor si envida
Encunter Tei, amur pussenta,
40 O, bein ina scharfa spada.
