 |
Questa pagina è stata trascritta ma deve essere formattata o controllata. | |
Da mai che la gaglina
Vegn mai pluscheina pli.
49.
In che fa bia prada
Sega giu pauc fein;
Et in che ha bia muronzas,
Quel dorma buca bein.
50.
Susana biala matta
Ha priu quei melen Giachen,
Ha priu per siu confiert
Sprunau el begl da piertg.
51.
Giuncher vetter, leis maridar?
Onna Tina lein nus dar;
Ell' ei ca biala, ell' ei ca fina,
Ha la colur dil striegn gaglina.
52.
Quella nera de scarpatsch,
Che mura sin nos mats,
Ella ha si in bi tschoos alv
Sco la cua de miu cavagl alv,
5 Ella ha en in bi ani
Sco la cua da miu purschi.
53.
Tgei nezegia in bi jert,
Sch' ins ha nuot da meter en?
Tgei nezegia giuventetgna,
Sch' ins ha negin devertimen.
54.
Gienuardi maridar,
En perpeten se ligiar,
Unfrir si la libertad,
Fuss daveras tupadat.
