Pagina:Decurtins - Rätoromanische chrestomathie, II.djvu/352

Da Wikisource.

Il tierz scheva: La mia ei la pli biala de tuttas,
La empermess der schar star treis notgs cun ella.
Ella era buca pli lunsch che ton
10 E veva tut udeu,
Quei che seu car spus veva detg.
Mav' ella a casa schi trulia, truliamein,
L' escha serava ella si,
Il barcuns claudev' ell' en.
15 Cu i era vi in' urialla,
Vegneva seu car spus;
O cara dulscha biala,
Stai si e lai mei en.
Jeu stundel buca si,
20 Jeu laschel Tei buc en.
La plievia la mei bogna,
La neiv la mei schelenta.
Sche bogni Tei la plievia,
Sche schalenti Tei la neiv.
25 Jeu stundel buca si,
E laschel Tei buc en;
Pertratg' empau anavos,
Tgei Ti has tschintschau ell' ustria casa - miez.
Mava treis pass anavos,
30 E deva cul pugn el cor;
Quei asta mei nuot,
Sch' jeu hai tut stueu dir o.

          67.
Tgei dotta vul Ti dar,
Sch' Ti vul mei maridar?
Jeu hai dus brocs de pieun,
E nuot de metter en;
5 O, sche gi junfra Susana,
Sche jeu hai buca leghermen?
Jeu hai dus favs cotgs,
E hai buc de scaldar;
O, sche di, junfra Susana,
10 Sch' jeu hai buca de magliar?
Jeu hai ina camischa rutta,
Ed ina de cuntschar;