 |
Questa pagina è stata trascritta ma deve essere formattata o controllata. | |
Volkslieder 741
Gl' emprim sto jeu ir a casa
Et engrazia a miu bab e mia mumma,
Fidurum, pumpum, fideralala,
Et engraziar a miu bab e mia mumma.
65 Che han mei tratg si e viventau
Et er mussau de gigier,
Fidurum, pumpum, fideralala,
Et er mussau de gigier.
78.
Virola, virola! Ti ruha malsogna,
Ti sfraccas e mazzas tuts petschens affonts,
Perfin la regina de trenta - treis onns.
Ei tucca d' ensemen de bara,
5 E tut quels, ch' udevan, stuevan bargir.
Ell' ei ussa morta, e tuorna buca pli.
79.
Stai si scarvon Gion Paul marvegl!
Stei si Vus umens tuts da Flem!
Ils … Glarunes en neu vegni
E cun vies muvel naven i.
5 Tia vacca nera va avon
Da Cunclas giu, Ti scarvon Gion;
La fumeglia han ei mazzau,
Jeu persuls sun aunc mitschaus.
En il tschaler sun staus zupaus,
10 Da barcun or sun lu mitschaus;
Lu giu sil crap hai jeu tibau,
Ch' jeu sun bunamein slupaus.
Ils umens en tuts se fatgs si,
En Glarun' en ei i vi;
15 Il muvel vevan leu serrau,
En in curtgin han ei anflau.
Il scadanem han lu stupau,
La platiala gronda bein leu schau;
Vid quella han fermau in bucc grond,
20 Per ch' ei audien a scadanont.
