![]() |
Questa pagina è stata trascritta e formattata, ma deve essere riletta. | ![]() |
Ils peschs cureisma vess plaschiu,
Mo stagl vin dulsch era mess ischiu,
Ei era aschia tut falliu,
40Ina cuschaniera tala aunc mai sudiu.
Aber patlaunas vai magliau
E brav quellas si sfraccau,
Alvas e bialas mo empau,
Silla platta de fiuc vevan zulau.
45La pli davosa tratg' ei stau
Gromma dira e ris schallau,
Il ris vevan ei schau rischli,
Puglinas sur la gromma vi.
Ussa hai jeu tut raquintau,
50Contas tratgas, ch' ei gliei stau,
Gasts eran sedisch personals,
Tuts beinvestgi, perderts e mals.
Denter auter sei cheu stau
La Barla, quella dil gierau,
55Magliar ha ella brav podiu,
Mo 'lla vev' er in calcogn niu.
Igl aug mistral ha fatg de fin,
El ha buiu mo treis masiras vin,
Per el era tut bein cuschinau,
60Magliau havess pli, sch' ei fuss aunc stau.
L' onda Tê ha fatg pulit,
Ella ha magliau cun appitit,
Tut ils tigliors ha litgiau si,
Ch' fuss pilver aunc stau de ri.
65Spass fuss bein era stau
Culla dunna digl aug Clau,
Gabla vevan buca dau,
Tut cun la detta ella ha cargau.
Suenter viaspras ei cheu stau
70Bein bia gasts, ch' an marendau,
Er envidau vevan il prer,
Per schar beiber il caffe.
Quei aug - segner ei cheu staus
Tutavia bein salvaus,