 |
Questa pagina è stata trascritta e formattata, ma deve essere riletta. | |
Ach, car spus! la caschun
Ei buc auter, ch' in paltrun,
La schliatta compagnia
Mei tegn en perschunia
35Miu cor aschi sarau,
Sco in fier ha schelentau.
Ach spusa, sin miu saung
Uardi! el cuorra aunc,
Sche Ti eis endriclada,
40Da cor eis semidada,
Compagnias e caschuns
Fuis de quels dus paltruns.
Ach spusa! ferms ligioms
En quels bein perdanvons,
45Mo uardi leu las peinas
Digl uffiern, las cadeinas,
Nua melli ein ligiai,
Perpetten condemnai.
Ach spus, quei ei zun bia!
50Mo co dei jeu pia far,
De vegnir su de quellas
Aschi stermentusas vellas,
De tonts mals e torments,
Digl giavel schorvaments?
55Spusa, suondi mei!
Ei gliei pli bien per Tei,
Sche uss mortificada,
Che esser condemnada,
Ir en perpetten fiuc,
60En gliez sgarscheivel liuc.
Ach spus, veglies gidar!
Sche vi jeu se midar,
Vi far la penetienzia,
Portar vi cun pazienzia,
65Grev stroff vai meritau
Per miu schi grev puccau!
