 |
Questa pagina è ancora da trascrivere o è incompleta. | |
| 60 | Märchen |
rien e fan canera, demaniera che jeu vegnel tut stuorns. Fai, o bien S. Giusep, che quels vischins possien bucca naven dil baun, entochen ch' jeu vi bucc!“
„Quei seigi a ti concediu, di S. Giusep; mo jeu tertgass, ch' ei dess caussas pli preciusas de giavischar“. — Il fravi ha denton bucca seschau 5 disturbar entras quella remarca e ha continuau: „Jeu hai cheu in grond e bi tscherschèr, ch' ei mintg' onn cargaus cun bunas tschereschas; mo jeu survegniel paucas. Sfarfatga matatschaglia sepatruneschan onn per onn dad ellas. Fai, o bien S. Giusep, che quels laders stoppien star sin tscherschèr, entochen ch' jeu hai mussau ad els de viver!“ — „Era quei daventi, di 10 S. Giusep; mo pertratga bein, avon che domondar la tiarza grazia!“
„O gie, rispunda il fravi; sche ti concedas ami eunc la suondonta grazia, sundel jeu ventireivels. Fai, che tut, tgi che metta ils mauns en quei truchèt de guottas véglias cheu, possi bucca trer naven quels, entochen … ch' jeu hai bucca mussau ad el creanza!“ — „Sco ti giavischas, 15 dueigi ei succeder, di S. Giusep; mo con tschocs eis ti staus, de bucca domondar … grazias supernaturalas!“ — Il fravi haveva denton autras miras cun sias domondas. Essent staus inaga en grondas miserias, haveva el fatg in contract cun il nausch et empermess à quel si' olma encunter ina summa danèrs.
20 Siat onns, il termin fixau denter il fravi et il nér, eran spiri, et in bi di compara quel avon fravia. Il fravi fa cun el tutta curtesia et envid' en el de prender plaz in moment s' il baun, el seigi prèst paregiaus de vegnir. Suenter in pêr minutas tuorn' il fravi tier il giavel e di, ch' el deigi ussa vegnir; mo quel podeva bucca naven dil baun, et il fravi ha priu siu marti 25 grond e dau sil pauper giavel, che quel ei vegnius plats sco ina pêta, et ha suplicau pruamein il fravi de calar, el vegli eunc spetgar siat onns. Lura ha il fravi dau ad el il pass liber. Suenter siat onns ei il giavel puspei comparius. Quella gada ha il fravi giavinau el sin tscherschèr, schent, essent ina tala calira, deigi el migliar enzacontas tschereschas; 30 denton fineschi el sia lavur e vegni. Il nér ei aschia staus pegliaus per la secunda gada. Sut la plievia de fridas, che curdaven sin siu tgau, ha el empermess al fravi, d' eunc spetgiar siat onns.
Era quels ein spiri; il giavel ei comparius declaront, che quella gada selaschi el bucca giavinar ord fravia.
35 „Bien, sche lein nus far de vegnir naven ton pli spèrt — di il fravi — Dumbra dabot ora diusch guotas, ch' jeu sappi eunc catschar en quella roda!“ Il giavel ha catschau en tutta prèscha ils mauns en il truchêt; mo anò ha el bucca podiu trèr quels; et il fravi ha bastunau el aschi ditg, ch' el ha rogau de po calar, el vegli ir e mai vegnir pli.
40 Suenter entgins onns ei il fravi morts et ei ius e vegnius avon las portas dil parvis, e ha leu spluntau. Domondont S. Pieder, tgi splunti, ha el griu: „Ei gliei quel, che ha enferrau igl asen de S. Giusep.“ — Mo S. Giusep ha griu anavos, ch' el hagi gie bucca giavischau il parvis, e vita
