 |
Questa pagina è stata trascritta e formattata, ma deve essere riletta. | |
| 996 | Volksmedizin |
524. Ina cura pil rheumatismus a parti ei de schar trer ora las furmiclas. Ins enquera in di de bialla aura in detg furmicle de dascharina, cava si ina rusna e tegn en il member, che pitescha de rheumatismus. Pli fetg ch’ei sfurmicla, e meglier ch’ei gida.
525. Per il rheumatismus ei il meglier laguoter ina rauna giuvna viva.
526. Tgi che ha il greufli, dei metter la sera ils caltscheuls en crusch sin ils calzers.
527. Per il greufli sto ins metter la cadeina de vaccas giu da peis.
528. Tgi che ha il greufli, dei prender la clav casa enta letg.
529. Per il greufli dei ins ligiar si cordas de tubac de stanga entuorn las combas.
530. Per il greufli ston ins unscher la stgeina comba e la plonta pei cun vinars.
531. Per il greufli ston ins metter feglia badugn en letg, buc en la bisacca mo giu da peis.
532. Per il greufli ei bien de tagliar giu il gnief din piertg cun fiars e tut, metter quel en sac e schar secar leu. Cu el ei secaus dil tut, cala il greufli.
533. Il sanglut ei in axiden dil cor.
534. Per il sanglut sto ins tener il det pign et il det gron aschi ferm sco pusseivel ensemen.
535. Per il sanglut sto ins tener il det pign sin la foppa cor.
536. Per il sanglut sto ins dir anetg in plaid de forza.
537. Per il sanglut sto ins laguoter treis gadas de vid.
538. Per far calar il sanglut, ei bien fierer aua freida dil culiez giu.
539. Per il sanglut ston ins serar il det pign.
540. Per il sanglut ston ins retener il flad.
541. Per il sanglut ston ins beiber treis sitgs aua.
542. Per far calar il sanglut, ei bien stender fetg treis dets.
543. Tgi che fa discus, survegn il sanglut.
544. Ei dat de duas sorts bua, la bua ordinaria e la bua el caviertg. La bua el caviertg sa nagin gidar.
545. Per la bua ei bien far bogn en aua de mel.
546. Per la bua ei bien smaccar in cural ver e dar en quella purla.
547. Per la bua ei bien smaccar in cural d’ambra e dar en leza puorla.
548. Per la bua ei bien in per dagouts suppa dina gaglina nera.
549. Per la bua ei bien sgarar giu in tec tgiern tschiarva e dar en cun aua.
