Pagina:Decurtins - Rätoromanische chrestomathie, IV.djvu/356

Da Wikisource.
348 Johan Mœli

VII.


Cur autra lgeud murió hai jou tuccau savents
20 Uss ven ei er par mei tuccau cun tutt ils señs.
Par auters hai jou gig las fossas jou cavau
Uss ha la mort er tschou en üña mei stuschau.


[f. 23r] VN PRIEDI

FAIGS tras mei Joh. M. v d m. oz da l' epistla tier ils Rumauns. cap. VIII. vers 31.

Chei lein nus pia gir? Scha Deus ei cun nus schi chi vult esser ancunter nus.

Ineditum nach Ms. Lw.

Exordium:

La casa d’ilg prus Loth enten Sodoma ei stada ünna vera sumelgia sin la baselgia da Deus sin terra. Parchei sco la casa da Loth fova parsula enten Sodoma a Gomorrha enten la quala seig stau anzachi d’prus a da bein, aschia ei er la generala baselgia da Deus mai ünna ad oreifer quella eis ei nilgiur nagin salid.

(f. 23v) Sco scha la casa da Loth fuss bucca stada schi fuss tuttavia nagin mitschau da la gritta da Deus enten tutt quella terra. Aschia fuss da gig anou tutt ilg mund ieus a frusta. Sche Deus vess bucca schaniau a quels paramur dils ses chel ha sin quest mund, aschia en particular ha el faig dilg bein a la casa da Laban par amur da Jacob Gen: 29. 30 a la casa da Potiphar par amur da Joseph Gen. 395.

Sco ils aungels ils quals Loth maniava chels’fussen humens quels han nilgiur vieult ent enten Sodoma auter co enten la casa da Loth. Gen: 19. Aschia volven ils Aungels da Deus buc ent nua (f. 24r) ca puccaus a lasters han suramau[n] mo mai nua ch’ün sa flissegia da la prusadad a schubradad a fui tont sco pusseivel ei dilg puccau parchei ilg puccau catscha navend ils Aungels sco ilg fim catscha navend ils avieuls a las tubas gi Basilius ün velg mussader. Sco ils Aungels ean vangi enten Sodoma spindrar a manar ora Loth cun ils ses par ch’el vengig buc anturn cun ils gottlos ansemel, aschia tarmetta Deus eunc silg gi d’oz ses aungels enten la Sodoma da quest mund par cunsalvar sia baselgia ca quella pierig bucca cun ilg mund parchei ils aungels ean spirts survetscheivels ca (f. 24v) vengian tarmess ora par survir a quels ca dein hartar ilg salid gi s. Paul Heb. 1. 14.